Një aksion policor është zhvilluar më 24.06.2026 në një lokal që ndodhet në rrugën “Mehmet Akif Peja” në Pejë, pasi autoritetet kishin pranuar dhe trajtuar informacione relevante se aty disa persona po merreshin me veprimtari të kundërligjshme të lojërave të fatit.
Veprimet operative dhe hetimore janë ndërmarrë nga Sektori Rajonal për Hetime në kuadër të Drejtorisë Rajonale të Policisë në Pejë, me asistimin e zyrtarëve policorë të Stacionit Policor Pejë dhe me autorizim përkatës ligjor, me qëllim të zbatimit të ligjit, ndërsa në lokal është realizuar kontrolli dhe bastisja.
Të lidhura
None found
Gjatë kontrollit, si prova materiale, janë sekuestruar shtatë (7) telefona mobilë, një (1) DVR dhe një (1) kompjuter portativ (llaptop).
Të dyshuarit që lidhen me këtë rast janë arrestuar dhe më pas janë intervistuar nga hetuesit kompetentë. Pas përmbylljes së procedurave fillestare hetimore, me vendim të organit kompetent, ata janë liruar në procedurë të rregullt.
