Pas përfundimit të “Marshit për Liri”, të zhvilluar sot në Prishtinë në përkrahje të ish-krerëve të UÇK-së që po gjykohen në Hagë, ka reaguar deputetja e PDK-së, Ganimete Musliu.
Të lidhura
None found
Në një postim në Facebook, ajo deklaroi se shqiptarët kanë treguar ndër vite durim, përkushtim dhe besim ndaj vlerave evropiane. Sipas Musliut, çdo partneritet i qëndrueshëm duhet të mbështetet te respekti, drejtësia dhe barazia.
“Për vite me radhë, shqiptarët kanë dëshmuar durim, angazhim dhe besim në vlerat që përfaqëson Evropa.
Megjithatë, një partneritet afatgjatë nuk mund të ndërtohet pa respekt, drejtësi dhe barazi. Ka ardhur koha që Evropa ta marrë seriozisht zërin e shqiptarëve dhe të kuptojë peshën e durimit që ata kanë treguar”, shkroi Musliu.
