Ministria e Arsimit dhe Shkencës ka sqaruar se njoftimi që po shpërndahet në rrjetet sociale për moszhvillimin e mësimit më 6 tetor nuk është i vërtetë dhe nuk është nxjerrë prej saj.
Të lidhura
None found
Sipas MASH, për këtë datë nuk është marrë asnjë vendim për ndërprerjen e procesit mësimor. Mësimi do të vijojë normalisht, në përputhje me orarin e përcaktuar.
Ministria bëri të ditur gjithashtu se materiali i rremë përdor në mënyrë të paautorizuar emrin dhe logon e institucionit, duke u paraqitur si një komunikim zyrtar.
Përmes reagimit të saj, MASH u ka kërkuar qytetarëve të mos e qarkullojnë më tej këtë material dhe të kontrollojnë njoftimet vetëm në faqen zyrtare të Ministrisë dhe në profilet e saj zyrtare në rrjetet sociale.
