Artan Abrashi, deputet i Lëvizjes Vetëvendosje, deklaroi sot se pret nga Partia Demokratike e Kosovës dhe Lidhja Demokratike e Kosovës të tregojnë vullnet dhe gatishmëri për t’i ndryshuar kandidatët e propozuar për nënkryetarë të Kuvendit.
Të lidhura
None found
Për postin e dytë në parlament, PDK-ja ka propozuar Vlora Çitakun, kurse LDK-ja Kujtim Shalën.
Në seancën e mbajtur para dy ditësh, LVV-ja bëri të ditur se nuk do t’i votojë këta dy kandidatë, pasi, sipas partisë, ata janë shprehur kundër një marrëveshjeje që lidhet me çështjen e presidentit.
Të premten, teksa po hynte në ndërtesën e Kuvendit për vazhdimin e seancës konstituive, Abrashi tha se pret që edhe kandidatura e Listës Serbe për nënkryetar të Kuvendit të jetë në frymën e Kushtetutës.
“Ndoshta kanë gjetë pak vullnet për me bërë zgjidhje kësaj krize. Të shohim…Ne e kemi dhënë qëndrimin sa i përket deklaratës së Smiqit dhe besoj nuk e përsërit të njëjtën. Ta shohim”, deklaroi ai.
