Degët e Lidhjes Demokratike të Kosovës (LDK) dhe Lëvizjes Vetëvendosje (LVV) në Shtime kanë nënshkruar marrëveshjen e koalicionit për mandatin aktual qeverisës në këtë komunë, shkruan “Bota sot”.
Kryetari i degës së LDK-së në Shtime, Kastriot Shabani, njoftoi përmes një postimi se marrëveshja me Lëvizjen Vetëvendosje – Qendra në Shtime u zyrtarizua sot me një akt formal. Sipas tij, ajo erdhi pas përpjekjeve të përbashkëta të dy subjekteve për të qeverisur komunën gjatë mandatit aktual.
Të lidhura
None found
Shabani bëri të ditur se marrëveshja mbështetet në parimet e qeverisjes së mirë dhe të mirëbesimit, është në përputhje me ligjet në fuqi dhe synon zhvillimin e qytetit e përmirësimin e jetës së qytetarëve të komunës. Sipas marrëveshjes, LDK – Dega në Shtime do të drejtojë katër drejtori komunale dhe do të mbajë pozitën e kryesuesit të Kuvendit Komunal.
