Categories: kosovë

Kurti prezanton premtimet për pagat, pensionistët dhe zhvillimin ekonomik të Kosovës

Mandatari për kryeministër, Albin Kurti, paraqiti para deputetëve të Kuvendit të Kosovës programin e tij qeverisës dhe kërkoi mbështetje për formimin e ekzekutivit.

Të lidhura

None found

Kurti deklaroi se fjalimi i tij do të ishte i shkurtër dhe nuk do të përmbante shumë risi, duke e lidhur këtë me zgjedhjet e shpeshta të zhvilluara gjatë dy viteve të fundit. Seanca e jashtëzakonshme u mbajt me pjesëmarrjen vetëm të deputetëve të LVV-së dhe Listës Serbe.

Ndër zotimet kryesore të tij ishte ngritja e pagës mesatare në sektorin publik mbi 1 mijë euro në muaj, në përputhje me rritjen e buxhetit dhe performancën ekonomike.

Ai bëri të ditur se paga e 14-të do të vazhdojë të zbatohet për punonjësit e sektorit publik, ndërsa qeveria do të angazhohet që paga e 13-të të shtrihet edhe në sektorin privat. Sipas tij, synimi i mëtejshëm është planifikimi i pagës së 14-të, ndërsa paga e 13-të në sektorin publik ka nisur në vitin 2026.

Kurti njoftoi gjithashtu dyfishimin e shtesave për fëmijët. Për familjet me tre ose më shumë fëmijë, pagesa do të rritet nga 45 në 90 euro për fëmijë, ndërsa me këtë nivel ai tha se Kosova do të tejkalojë disa shtete të Bashkimit Evropian sa i përket këtyre përfitimeve.

Ai rikujtoi se nga 1 korriku shtesat për nënat e reja dhe lehonat janë rritur me 500 euro për gjashtë muaj. Në program përfshihet edhe mbështetja për gjyshërit pensionistë që kujdesen për nipërit ose mbesat nga 13 deri në 36 muaj, në rastet kur të dy prindërit janë në punë. Çdo gjyshe ose gjysh do të përfitojë nga 100 euro shtesë në muaj.

Mandati i ardhshëm, sipas Kurtit, do të shërbejë për nisjen e një transformimi të madh ekonomik dhe industrial në Kosovë. Ai e cilësoi prodhimin si bazën e zhvillimit ekonomik të vendit.

Në këtë kuadër, banka zhvillimore do të financojë drejtpërdrejt projektet strategjike, do të ndihmojë ndërmarrjet e vogla dhe të mesme përmes bankave dhe do t’u ofrojë prodhuesve e eksportuesve garanci për pagesa. Programi prej 1 miliard eurosh për prodhimin dhe industrinë do të mundësojë kredi për investime në kapacitete të reja.

Për ushtrinë, Kurti premtoi ndarjen e mbi 1 miliard eurove gjatë katër viteve të ardhshme. Industria ushtarake do të fokusohet në prodhimin e municioneve, dronëve, robotëve dhe pajisjeve të tjera, ndërsa prodhimi pritet të nisë brenda vitit 2026.

Ai tha se me Shqipërinë do të krijohen njësi të përbashkëta ushtarake dhe do të zhvillohet bashkëpunim në fushën e edukimit dhe bashkëprodhimit.

Në politikën e jashtme, objektivi i deklaruar është përmbyllja e kapitujve të integrimit në Bashkimin Evropian deri në vitin 2030 dhe avancimi drejt bisedimeve për anëtarësim në union.

Kurti përmendi edhe angazhimin për zbardhjen e fatit të personave të zhdukur me dhunë, si dhe hapjen e arkivave nga Shqipëria. Në projektet infrastrukturore të premtuara përfshihen përfundimi i autostradës së Gjilanit, ndërtimi i rrugës Prizren-Tetovë dhe rrugës së Dukagjinit.

të fundit

Harry befason në televizionin britanik: pi uiski para kamerave, flet për jetën e fëmijëve dhe lidhjen me atdheun

Princi Harry ka bërë një paraqitje të papritur në emisionin britanik “This Morning”, ku ka tërhequr vëmendjen me batutat, një…

3 minutes ago

Durmishi: Paga minimale vitin e ardhshëm mund të rritet 7 deri në 8 për qind

“Rritja e pagës minimale në mars të vitit të ardhshëm mund të jetë rreth 7 deri në 8%, por shifra…

4 minutes ago

Thymeo Cruz, 14-vjeçari që mund të thyejë rekorde në Ligue 1 – talenti franko-portugez po krahasohet me Messin

Një futbollist vetëm 14-vjeçar mund të thyejë rekorde në Ligue 1 dhe në futbollin francez. Bëhet fjalë për talentin franko-portugez…

6 minutes ago

PDK mblidhet për situatën në Hagë, Çitaku bën thirrje për unitet politik në mbrojtje të çlirimtarëve

Zhvillimet e fundit dhe hapat e radhës për mbrojtjen e çlirimtarëve në Hagë ishte temë e diskutimit në takimin e…

8 minutes ago

Pas akuzave për shantazh nga Spiropali, kreu i Tatimeve Binaj: Në firmat e deputetes u konstatuan shkelje, dosjet i kaluan prokurorisë

Drejtori i Përgjithshëm i Tatimeve, Ilir Binaj, ka reaguar me një deklaratë pas akuzave publike të Elisa Spiropalit, e cila…

10 minutes ago

SUV-i elektrik Volvo EX60 shpallet “Makina e Vitit 2027” — cilësitë që e veçojnë

SUV-i elektrik Volvo EX60 është shpallur “Vetura e Vitit 2027” në çmimet prestigjioze Carwow Car of the Year Awards, duke…

13 minutes ago