Kryeministri në detyrë, Albin Kurti, foli për mediat pas takimit me kryetarin e LDK-së, Lumir Abdixhiku, ku u diskutua mundësia e gjetjes së një rrugëdaljeje nga situata e krijuar rreth çështjes së presidentit.
Të lidhura
None found
Ai theksoi se duhet të ruhet balanca demokratike dhe të merret parasysh vullneti qytetar i shprehur në zgjedhjet e 7 qershorit.
Sipas Kurtit, deri tani marrëveshja politike ka munguar për shkak të dallimit të madh ndërmjet rezultatit përkatës dhe synimeve konkrete. Megjithatë, ai u shpreh se shpresa nuk duhet humbur dhe se duhet ruajtur optimizmi për arritjen e një marrëveshjeje.
Kurti kujtoi se Osmani u zgjodh presidente pasi në garë kishin hyrë me përcaktimin që kandidati i renditur i pari të bëhej kryeministër, ndërsa i dyti president.
Në rrethanat e tanishme, ai vlerësoi se kreu i shtetit duhet të zgjidhet përmes konsensusit dhe jo të jetë përfaqësues partiak.
Ai propozoi që palët të dakordohen për një emër konsensual, të karakterizuar nga vlerat dhe parimet. Kurti tha se njeh një sërë personash të aftë për ta ushtruar këtë detyrë, por nuk përmendi kandidatë konkretë, për të shmangur pretendimet se emri ishte propozuar prej tij.
Në fund, Kurti deklaroi se po bën gjithçka që është e mundur për të gjetur një zgjidhje për situatën e krijuar.
