Categories: kosovë

Kurti në Ditën Memoriale të Komunitetit Egjiptian: Kosova mbështetet te liria, barazia dhe dinjiteti i çdo njeriu

Kryeministri në detyrë, Albin Kurti, ka bërë të ditur se është shënuar Dita Memoriale e Komunitetit Egjiptian.

Në një postim të publikuar në profilin e tij në Facebook, Kurti ka vlerësuar rolin e komunitetit egjiptian në të gjitha etapat e shtetndërtimit të Kosovës, duke theksuar se nga përpjekjet e para për liri, te shpallja e pavarësisë dhe funksionimi i institucioneve demokratike, ky komunitet ka qenë pjesë e pandashme e historisë së vendit.

Të lidhura

None found

Ai ka deklaruar se Kosova është ngritur mbi parimet e lirisë, barazisë dhe respektit për dinjitetin e çdo njeriu. Sipas tij, në bazën e Republikës demokratike qëndrojnë të drejtat e njeriut, të cilat bashkojnë barazinë me universalitetin, ndërsa këto vlera nuk janë vetëm pjesë e Kushtetutës, por përbëjnë themelet mbi të cilat ndërtohet e ardhmja. Kurti ka shtuar se përkushtimi për të garantuar të drejta të barabarta, mundësi të barabarta dhe përfaqësim dinjitoz për të gjitha komunitetet mbetet i palëkundur.

Postimi i tij i plotë:

Në Ballkonin e Hapur, shënuam Ditën Memoriale të Komunitetit Egjiptian!

Në çdo hap të rrugëtimit tonë shtetndërtues, nga përpjekjet e hershme për liri e shpallja e pavarësisë e deri te funksionimi i institucioneve demokratike, komuniteti egjiptian ka qenë pjesë e pandarë e historisë sonë. Për këtë, në emër të Qeverisë së Republikës së Kosovës, ju shpreh mirënjohjen time më të thellë.

Ditët e tilla janë më emocionuese se ditët festive dhe janë më të veçanta se ditët e zakonshme. Ato janë rikujtim për rrugëtimin dhe ritheksimin për rëndësinë e rolin e komunitetit egjiptian, për komunitetin, i cili ka ecur mes kohëve, mes stuhive dhe nuk ka lejuar kurrë që ta humbasë drejtimin.

Kosova është ndërtuar mbi parimet e lirisë, barazisë dhe respektit për dinjitetin e çdo njeriu. Në themel të Republikës sonë demokratike, janë të drejtat e njeriut, të cilat i bëjnë bashkë barazinë dhe universalitetin. Këto parime nuk janë vetëm pjesë e Kushtetutës, ato janë themeli mbi të cilin ndërtojmë të ardhmen tonë. Prandaj, edhe dedikimi ynë për të garantuar të drejta të barabarta, mundësi të barabarta dhe përfaqësim dinjitoz për të gjitha komunitetet, pa dyshim që mbetet i palëkundur.

Për t’i dhënë kuptimin e plotë kësaj dite, ne duhet të bashkëjetojmë, të bashkëqeverisim dhe të bashkëveprojmë në secilën ditë të vitit, duke dëshmuar se Kosova është shtëpia e përbashkët e të gjithë qytetarëve të saj dhe se secili prej nesh ka vend të barabartë në të ardhmen, të cilën po ndërtojmë së bashku.

Urime Dita Memoriale e Komunitetit Egjiptian!

të fundit

Edi Rama: Elisa Spiropali dhe Plarent Ndreca, janë përjashtuar nga kjo shtëpi

Gjatë fjalës së tij në mbledhjen e Asamblesë së PS-së për Tiranën, kryeministri Edi Rama, ka konfirmuar përjashtimin e Elisa…

4 minutes ago

Abdixhiku nderon Xhavit Ahmetin në 30-vjetorin e ndarjes nga jeta

Kryetari i Lidhjes Demokratike të Kosovës (LDK), Lumir Abdixhiku, ka përkujtuar veprimtarin, atdhetarin dhe intelektualin Xhavit Ahmeti, në 30-vjetorin e…

4 minutes ago

Rama kritikon Veliajn: Si e ëma e Zeqos në majë të thanës, s’do të tolerohen largimet nga puna të punonjësve që nuk u bëjnë “like” dhe “share” dorëshkrimeve të Lalit

Këtë të shtunë, kryeministri Edi Rama, ka kritikuar kryebashkiakun Erion Veliaj dhe drejtuesit e Bashkisë së Tiranës, duke paralajmëruar se…

13 minutes ago

FSHF miraton shpërblimin prej 500 mijë eurosh për Kombëtaren pas ngjitjes në Ligën B të UEFA Nations League

Kombëtarja shqiptareArritja e vendit të parë në grupin C1 të UEFA Nations League dhe sigurimi i ngjitjes në Ligën B…

14 minutes ago

Nis faza e aplikimit për kuponët e kopshteve – cilat familje përfitojnë dhe deri kur mund të dorëzohen kërkesat

Ministria e Arsimit dhe Shkencës (MASH) ka hapur thirrjen për aplikim në Programin e Kuponëve për Kopshte, nga i cili…

15 minutes ago

OBRM-PDUKM: LSDM po vijon me akuza të pabaza për Alta Bankën

OBRM-PDUKM akuzoi LSDM-në se vazhdon të përhapë, siç thonë ata, akuza dhe manipulime të rreme dhe të pabaza në lidhje…

16 minutes ago