Admirali George M. Wikoff, Komandant i Komandës së Përbashkët Aleate të Forcave në Napoli (JFC Naples), u mirëprit të hënën nga gjeneralmajori Ozkan Ulutash, komandanti i misionit paqeruajtës të NATO-s në Kosovë (KFOR).
Gjatë qëndrimit në kampin Novo Selo, zyrtari i lartë ushtarak u njoh nga afër me panoramën e fundit të sigurisë në vend dhe me punën e përditshme që kryen KFOR-i për të garantuar një ambient të qetë dhe stabil për të gjithë banorët e Kosovës, bëri të ditur KFOR-i përmes një komunikate.
Të lidhura
None found
Admirali Wikoff zhvilloi gjithashtu një takim me trupat e kontigjentit paqeruajtës. Sipas njoftimit, gjeneralmajori Ulutash e shoqëroi atë në një mision vëzhgimi me helikopter përgjatë Vijës Kufitare Administrative, ku i ofroi një pasqyrë të hollësishme mbi shtrirjen e forcave të KFOR-it dhe operacionet e patrullimit në këtë zonë.
