KGJK propozon që Presidentja të riemërojë 15 gjyqtarë me mandat të përhershëm

Këshilli Gjyqësor i Kosovës ka vendosur t’i propozojë Presidentes së Republikës riemërimin e 15 gjyqtarëve në pozita me mandat të përhershëm.

Propozimi u miratua gjatë vazhdimit të mbledhjes së 374-të të KGJK-së.

Vlerësimi i performancës së gjyqtarëve, i kryer sipas kritereve dhe procedurave të përcaktuara në legjislacionin në fuqi, shërbeu si bazë për këtë propozim.

Dokumenti i është përcjellë Presidentes së Kosovës për hapat e mëtejshëm.