Kosova ka regjistruar katër viktima dhe 236 raste të reja me koronavirus, bëri të ditur Ministria e Shëndetësisë (MSH) më 18 shkurt.
Rastet e reja dolën pas testimit të 2,648 mostrave, që i bie se 8.91 për qind e të testuarve rezultuan pozitivë për sëmundjen COVID-19.
Në raportin e MSH-së – që i referohet të dhënave të 24 orëve paraprake – thuhet se edhe 780 pacientë janë shëruar nga koronavirusi.
Ndërkaq, numri i rasteve aktive është 5,961.
Deri më tani, mbi 800 mijë qytetarë janë vaksinuar me dy doza të vaksinës.
