Imri Ahmeti, kryetar i Komunës së Lipjanit dhe ish-sekretar i LDK-së, ka përsëritur qëndrimin se Lumir Abdixhiku duhet të shkarkohet nga posti i kryetarit. Sipas tij, një vendim i tillë do të ishte në interes të së ardhmes së partisë dhe të vendit.
Të lidhura
None found
Ahmeti kujtoi se në janar kishte kërkuar dorëheqjen nga detyra e sekretarit të partisë, ndërsa kishte ofruar largimin edhe nga pozita e kryetarit të Degës së LDK-së në Lipjan.
“Unë kam reflektuar. Qysh në Kuvendin e janarit kam kërkuar dorëheqjen nga posti i sekretarit të partisë dhe kam ofruar edhe dorëheqjen në Kuvendin Komunal si kryetar dege. Të shohim sot Kuvendin nëse do ta fuqizojë idenë tonë për të reflektuar lidhur me rezultatet e zgjedhjeve”, deklaroi Ahmeti.
Ndërkaq, ai nuk pranoi të shprehej rreth pretendimeve se ka pasur presion.
