Familja e Adem (Muhamet) Beqirit ka njoftuar se mbetjet e tij janë identifikuar në një varrezë masive në zonën e Zubin Potokut, 27 vjet pas zhdukjes së tij. Pas identifikimit, ai do të rivarroset.
Të lidhura
None found
Adem Beqiri lindi në vitin 1951 dhe ishte pjesë e Grupit të Intelektualëve. Sipas familjes, ai u vra nga forcat serbe gjatë luftës në Kosovë, ndërsa fati i tij mbeti i panjohur për më shumë se dy dekada.
Identifikimi i mbetjeve mortore u jep tashmë familjarëve mundësinë ta përcjellin në banesën e fundit.
Rivarrimi do të mbahet më 3 tetor 2026 në varrezat e fshatit Pantinë, ndërsa ceremonia mortore do të fillojë në orën 13:00.
Familja ka bërë të ditur se ngushëllimet do të priten në Hotel Palace nga 4 deri më 6 tetor, prej orës 09:00 deri në 17:00.
