Pronari i një lokali në Han të Elezit është intervistuar nga Policia, pasi disa persona dyshohet se janë helmuar pas konsumimit të ushqimit në këtë biznes.
Të lidhura
None found
Sipas raportit policor, më 15.07.2026 një mashkull kosovar është marrë në pyetje në stacion policor në cilësinë e të dyshuarit.
Policia njoftoi se dyshimet lidhen me helmimin e disa personave, të cilët kishin konsumuar ushqim në lokalin e tij.
Hetimet për rastin janë në zhvillim. Prokurori është njoftuar dhe ka autorizuar inicimin e lëndës së rastit.
Ndërkohë, Agjencia e Ushqimit dhe Veterinarisë ka bërë të ditur se ka kryer kontrolle zyrtare emergjente, me qëllim që t’u ndihmojë institucioneve përgjegjëse në përcaktimin e shkaktarit të mundshëm dhe në mbrojtjen e shëndetit publik.
