Çlirim Haziri, organizator i protestës “Jo në emrin tim”, u ka bërë thirrje qytetarëve që t’i bashkohen tubimit të 18-të, i cili zhvillohet sonte në sheshin “Skënderbeu” në Prishtinë, duke nisur nga ora 19:00.
Të lidhura
None found
Në një postim të publikuar prej tij, Haziri ka theksuar se protesta do të vijojë dhe se pjesëmarrësit mbeten të palëkundur në kërkesat e tyre.
“Nuk lodhemi. Nuk ndalemi. Dhe nuk largohemi pa u dëgjuar!”, ka deklaruar ai.
Sipas Hazirit, protesta organizohet në mbështetje të UÇK-së dhe me kërkesën për drejtësi.
“Për UÇK-në. Për drejtësi. Shihemi në shesh!”, ka shkruar në përfundim ai.
