Zëvendësministri i Ministrisë së Punëve të Brendshme, Enver Dugolli, mori pjesë në mbledhjen e rregullt të Këshillit Komunal për Siguri në Bashkësi në Rahovec, e cila u drejtua nga kryetari i komunës, Smail Latifi.
Gjatë takimit u shqyrtua situata e përgjithshme e sigurisë në komunë, së bashku me sfidat dhe prioritetet kryesore në këtë drejtim. Pjesëmarrësit diskutuan gjithashtu për domosdoshmërinë e bashkëpunimit mes institucioneve qendrore, atyre lokale dhe mekanizmave të sigurisë.
Të lidhura
None found
Dugolli vuri theksin te nevoja për komunikim dhe koordinim të pandërprerë ndërmjet institucioneve, me synim parandalimin e dukurive negative, përmirësimin e sigurisë publike dhe trajtimin në kohë të shqetësimeve të qytetarëve.
Ai deklaroi se siguria në komunitet forcohet përmes bashkërendimit, përgjegjësisë së institucioneve dhe besimit reciprok. Në këtë kuadër, Dugolli theksoi angazhimin e Ministrisë së Punëve të Brendshme për mbështetjen e komunave dhe mekanizmave përgjegjës në përmirësimin e sigurisë.
MPB-ja vijon angazhimin për garantimin e një mjedisi të qetë dhe të sigurt për të gjithë qytetarët, përmes koordinimit institucional dhe zbatimit të masave që ndihmojnë në ruajtjen e rendit dhe sigurisë publike.
