Categories: kosovë

Bytyçi: Propozimi i Haradinajt për Thaçin mund t’i shkaktojë dëm dhe të pengojë marrëveshjen VV-LDK

Deputeti i Aleancës, Ramush Haradinaj, ka thënë se zgjedhja e ish-presidentit Hashim Thaçi në krye të shtetit do të përbënte një “nder” për deputetët e legjislaturës së 11-të.

Të lidhura

None found

Profesori Enver Bytyçi, në një prononcim për “Bota sot”, e sheh këtë nismë si një veprim që mund të ketë pasoja negative për Thaçin, veçanërisht në kohën kur ish-presidenti po pret vendimin e Gjykatës Speciale në Hagë.

Bytyçi shprehet se, në këto tri javë që kanë mbetur deri në shpalljen e vendimit, Thaçit do t’i shërbente më shumë heshtja sesa një fushatë publike për rikthimin e tij në postin e presidentit.

“Ramush Haradinaj ka hedhur idenë që president i Kosovës të zgjidhet ish-presidenti Hashim Thaçi, i cili ndodhet në pritje të vendimit të Gjykatës Speciale të Kosovës në Hagë për akuzat kriminale. Pyetja ime është: përse po e bën këtë Ramushi?”, ka deklaruar Bytyçi.

Sipas tij, një lobim i tillë mund të interpretohet si përpjekje për ta dëmtuar Thaçin, pasi është e pazakontë që të kërkohet rikthimi në krye të shtetit i një personi që ndodhet në prag të një vendimi gjyqësor. Bytyçi vlerëson se një situatë e tillë mund ta shtyjë gjykatën ta shohë këtë fushatë si të qëllimshme dhe si përpjekje për të cenuar procesin e hetimit dhe të vendimmarrjes.

Ai shton se Thaçi përballet me dy procese gjyqësore dhe, edhe në rast se shpallet i pafajshëm në të parin, dalja e tij nga paraburgimi do të ishte e vështirë pa përfunduar edhe çështja e dytë. Në këto rrethana, vijon Bytyçi, koha e kaluar në paraburgim mund të përbëjë minimumin e dënimit, ndërsa gjatë kësaj periudhe atij do t’i ndalohej angazhimi politik dhe ushtrimi i funksioneve publike.

Profesori mendon se Haradinaj mund të jetë i vetëdijshëm për këtë kufizim dhe se propozimi mund të jetë një mënyrë për të ruajtur marrëdhënie të mira me ish-rivalin e tij, Hashim Thaçin, më shumë sesa një mbështetje konkrete për rikthimin e tij në presidencë.

Bytyçi paraqet edhe një tjetër skenar: nëse Thaçi do të shpallej i pafajshëm, Haradinaj do të mund të krijonte një paralele mes çështjes së tij në Hagë dhe rastit të Thaçit, duke tentuar në njëfarë mënyre t’ia “kthejë borxhin”.

Megjithatë, ai e krahason propozimin me një gur të hedhur në lumë, pas të cilit nisen njëmijë persona për ta nxjerrë. Sipas Bytyçit, iniciativa e Haradinajt për Thaçin është një provokim që synon të ndikojë dhe të intimidojë bisedimet mes VV-së dhe LDK-së.

“AAK dhe PDK janë në panik përballë mundësisë së një marrëveshjeje mes Kurtit dhe Abdixhikut për zgjedhjen e një presidenti konsensual. Për ta bllokuar këtë proces, Haradinaj dhe Lushtaku kanë shpallur tender publik për lobim kundër një marrëveshjeje presidenciale që do t’i linte PDK-në dhe AAK-në jashtë loje. Në këtë lobim është riaktivizuar edhe McGonigali nr 2, me emrin Richard Grennell”, ka përfunduar Bytyçi për gazetën.

të fundit

Deputetja Mehmeti-Selimi: Kosova e gatshme për kontribut të drejtpërdrejtë në siguri si partnere e NATO-s

Dy deputetet, Shqipe Mehmeti-Selimi dhe Besa Kabashi-Ramaj, morën pjesë në sesionin e 72-të të Asamblesë Parlamentare të NATO-s. Në një…

5 minutes ago

Përballje shqiptare në Ukrainë: Tahiri shënon, Zabërgja asiston, por fiton Kolos Kovalivka

Ardit Tahiri ka shënuar gol në fitoren e Kolos Kovalivkas ndaj Kharkivit, ku luan Baton Zabërgja, duke fituar kështu përballjen…

8 minutes ago

Bashkia e Tiranës reagon pas akuzave të Ramës për shkarkimet nga “like” dhe “share”: Nuk jemi institucion në varësi personale të Kryeministrit

Bashkia e Tiranës ka reaguar pas deklaratave të kryeministrit Edi Rama lidhur me administratën bashkiake dhe pretendimet për shkarkimin e…

10 minutes ago

Marshimi vijon drejt Rrugës së Kavajës, shoferët solidarizohen me protestuesit përmes borive

Studentët, qytetarët dhe përfaqësues të shoqërisë civile vijojnë marshimin në rrugët e Tiranës, në kuadër të protestës kundër qeverisë. Pasi…

21 minutes ago

Zbulohet manovra e fshehtë që përdori kampi i Guimaraes për kalimin te Arsenali

Një prapaskenë e pazakontë ka dalë në pah rreth transferimit të Bruno Guimaraesit te Arsenali gjatë afatit kalimtar të verës,…

25 minutes ago

Mickoski: North Macedonia’s economy ranks among the most successful in Europe

Kryeministri Hristijan Mickoski ka akuzuar opozitën se që nga viti 2024 dëshiron që shteti të përballet me falimentim dhe kriza,…

28 minutes ago