Kryeministri në detyrë i Republikës së Kosovës, Albin Kurti, ka marrë të martën një letër nga kryeministri i Mbretërisë së Bashkuar, Andy Burnham. Letra ishte përgjigje ndaj urimit që Kurti i kishte përcjellë Burnhamit pas marrjes së detyrës muajin e kaluar.
Të lidhura
None found
Burnham nënvizoi në mesazhin e tij lidhjet e afërta dhe të qëndrueshme mes dy vendeve, duke vlerësuar mbështetjen që Mbretëria e Bashkuar i ka dhënë Kosovës ndër vite.
Sipas kryeministrit britanik, vendi i tij është krenar për qëndrimin pranë popullit të Kosovës që prej ndërhyrjes së NATO-s në vitin 1999, si edhe për faktin se Mbretëria e Bashkuar ishte ndër shtetet e para që njohën pavarësinë e Kosovës.
Burnham deklaroi se Mbretëria e Bashkuar do të vijojë të jetë një mbështetëse e fuqishme e aspiratave euro-atlantike të Kosovës. Ai shtoi se Londra do të vazhdojë përpjekjet për avancimin e integrimit të Kosovës në institucionet ndërkombëtare, përfshirë rritjen e mbështetjes për aplikimin e saj në Këshillin e Evropës dhe ecjen përpara në rrugën drejt NATO-s.
Kryeministri i Mbretërisë së Bashkuar shprehu gjithashtu shpresën për krijimin sa më shpejt të Qeverisë së re në Kosovë. Sipas tij, kjo do të mundësonte thellimin e bashkëpunimit dypalësh në çështje me interes të përbashkët, përfshirë mbrojtjen dhe sigurinë, tregtinë e investimet, migracionin dhe forcimin e lidhjeve ekonomike.
