Për shkak të zjarrit që ka përfshirë deponinë e fshatit, banorët e Lutogllavës dhe të disa vendbanimeve fqinje kanë njoftuar se do të mbajnë një protestë paqësore.
Të lidhura
None found
Protesta është caktuar për sot, më 18 korrik, në ora 08:00, pranë hyrjes së deponisë.
Sipas njoftimit, organizimi po bëhet në bashkëpunim nga banorët e Lutogllavës, Trestenikut, Ruhotit, Cërfkës, Leshanit, Ramunit, Llabjanit dhe Nabërgjanit. Ata kërkojnë që problemi, i cili sipas tyre vazhdon prej kohësh, të marrë zgjidhje të menjëhershme.
Banorët thonë se situata e krijuar paraqet rrezik të madh për shëndetin dhe jetën e qytetarëve, ndaj u bëjnë thirrje institucioneve përgjegjëse të reagojnë urgjentisht.
Sipas tyre, ndotja nga zjarri nuk kufizohet vetëm në Lutogllavë, por prek edhe fshatrat përreth, duke rrezikuar shëndetin publik dhe mjedisin.
