Balla pas marshit në Prishtinë: Populli i Kosovës i konsideron të pafajshëm ish-drejtuesit e UÇK-së

Kryetari i Grupit Parlamentar të Partisë Socialiste, Taulant Balla, ishte pjesë e “Marshit për Liri” të zhvilluar në Prishtinë.

Pas mbylljes së aktivitetit, ai ndau pamje nga marshi dhe deklaroi se populli i Kosovës i ka shpallur të pafajshëm Hashim Thaçin, Kadri Veselin, Jakup Krasniqin dhe Rexhep Selimin.

Aktiviteti nisi në orën 14:00 dhe zgjati rreth 1 orë. Në përfundim, fjalën e morën organizatorët, krerë partish, si edhe fëmijë të ish-ushtarëve të UÇK-së.