Babai i policit Triumf Riza ka reaguar ashpër ndaj zvarritjes së procesit gjyqësor, duke e cilësuar si fatkeqësi faktin që, edhe 19 vjet pas rënies së të birit në krye të detyrës, çështja ende nuk ka marrë një përfundim.
Të lidhura
None found
Ai tha se flijimi për shoqërinë, rendin, qetësinë dhe shtetin përbën idealin më të lartë, ndërsa shprehu pakënaqësi ndaj sistemit të drejtësisë. Sipas tij, një pjesë e gjyqësorit, e cila duhej të mbronte qytetarët, ka shkelur edhe rregullat e veta.
Babai i Triumf Rizës theksoi se ende po zhvillohet gjykimi ndaj njërit prej pjesëtarëve të bandës së Sekiraqëve, i cili nuk e ka marrë dënimin. Ai shtoi se pakënaqësinë ndaj sistemit të drejtësisë nuk e ndan vetëm familja, por edhe qytetarët, të cilët, sipas tij, nuk janë të kënaqur me një drejtësi të kalbur.
