Një person është ndaluar nga Policia e Kosovës, pasi dyshohet se në profilin e tij në Facebook publikoi përmbajtje kërcënuese ndaj Kuvendit të Kosovës, raportoi Radiotelevizioni i Kosovës.
Të lidhura
None found
Rasti është regjistruar më 10 shtator, në orën 19:15, ndërsa i dyshuari po hetohet për veprën penale “Kanosje”, bëhet e ditur në raportin e Policisë së Kosovës.
RTK raportoi gjithashtu se personi në fjalë figuron i dyshuar në 31 raste kriminale të evidentuara përgjatë viteve 2000–2023.
Ndër veprat për të cilat dyshohet përfshihen vrasja në tentativë, sulmi, kanosja, mbajtja dhe përdorimi i paligjshëm i armëve.
Në një postim në rrjetin social, ai kishte shkruar: “Pom vyejn 30 mashkuj patriot të armatosur mire me bllokue parlamentin e Kosovës, dhe mos me u dorëzue deri sa ti zgjedhin krejt institucionet, përgjegjësin dhe të gjitha obliginet i mar vet”.
