Duke hyrë në ambientet e Gjykatës Speciale, Altini, i biri i Jakup Krasniqit, u shpreh i bindur se aktgjykimi që pritet të jepet sot për ish-krerët e Ushtrisë Çlirimtare të Kosovës do të jetë lirues.
Të lidhura
None found
Ai parashikoi se Hashim Thaçi, Kadri Veseli, Jakup Krasniqi dhe Rexhep Selimi do të shpallen të pafajshëm nga akuzat në Hagë dhe do të rikthehen në Kosovë si njerëz të lirë.
Sipas tij, pavarësisht se çfarë do të përcaktojë gjykata, ai vetë dhe gjithë populli shqiptar ndihen krenarë me figurat e para të UÇK-së dhe luftën që ata zhvilluan.
Në një prononcim të mëtejshëm, ai theksoi: “Besoj se vendimi do të jetë lirues. Cilido që të jetë vendimi, unë jam krenar për secilin, për UÇK dhe për çdo gjë çka kanë bërë për neve…Për neve dhe për këta është një mbështetje e madhe që populli është me UÇK-në. Diçka çka dëshirojmë është që populli me ditë vlerën e UÇK-së”.
