Lumir Abdixhiku ka reaguar për herë të parë pas rizgjedhjes si kryetar i Lidhjes Demokratike të Kosovës në Kuvendin e Jashtëzakonshëm të partisë.
Të lidhura
None found
Duke folur para mediave, ai shprehu mirënjohje ndaj delegatëve dhe pjesëmarrësve, ndërsa procesin e përshkroi si dëshmi të demokracisë së brendshme në LDK.
“Hera e dytë këtë vit, LDK dëshmoi demokraci maksimale. Delegatët e Kuvendit të LDK-së, në mënyrë demokratike, dhanë drejtim jo vetëm për lidershipin, por edhe për orientimin programor. Jam i lumtur për rezultatin dhe jam falënderues që konfirmuan rezultatin e janarit”, deklaroi Abdixhiku.
Në Kuvendin e Jashtëzakonshëm, delegatët ia besuan sërish Abdixhikut udhëheqjen e LDK-së, duke i dhënë mandatin për të vazhduar drejtimin e këtij subjekti politik.
