Seanca e zhvilluar sot përbën vijim të mbledhjes parlamentare të nisur më 6 gusht.
Të lidhura
None found
Mbledhja ishte ndërprerë në dy raste me kërkesë të kryeministrit në detyrë, Albin Kurti, i cili kishte kërkuar më shumë kohë për arritjen e një marrëveshjeje politike lidhur me postin e presidentit.
Kurti nuk dha një përgjigje të qartë një ditë më parë, kur u pyet nga gazetarët nëse partia e tij do të paraqiste kandidatin për kryetar të Kuvendit. Ai u shpreh: “nesër e kanë thirrur seancën e Kuvendit, do të jemi aty”.
Procesi i konstituimit të Kuvendit përmbyllet me zgjedhjen e kryetarit dhe pesë nënkryetarëve.
Vetëm pas këtij hapi mund të vijojnë seancat për votimin e qeverisë së re dhe zgjedhjen e presidentit të ri të Kosovës.
Për krijimin e qeverisë së re, përfaqësues të LVV-së kanë thënë se i kanë 61 votat e nevojshme, ndërsa mbështetja për presidentin ende nuk është e sigurt.
