Në një botë të përsosur, secili person me të cilin bashkëveprojmë do të ishte i mirë, i vëmendshëm, i ndërgjegjshëm, bujar dhe më shumë se kaq. Ata do të pranonin shakatë tona dhe ne do të pranonin të tyret. Ne të gjithë do të ishim në një atmosferë ku askush nuk është i kryqëzuar, i mërzitur ose keqdashës.
Sidoqoftë, ne nuk jetojmë në një botë të përsosur. Disa njerëz na mërzisin dhe ne (pa dyshim) mërzisim disa të tjerë gjithashtu. Ka njerëz që nuk na pëlqejnë që janë të pa edukat, të nxituar, keqdashës, vënë në dyshim motivet tona, ose thjesht nuk pranojnëaspak shakatë tona – por presin që ne të qeshim me të gjitha të tyret.
Ju mund të pyesni veten nëse është e mundur të jesh i drejtë me dikë që të bën rrëmujë gjatë gjithë kohës. Ju mund të pyesni veten nëse duhet të mësoni të pëlqeni çdo person që takoni.
Sipas Robert Sutton (profesor i shkencës së menaxhimit në Universitetin Stanford), nuk është as e mundur – madje as ideale – të ndërtosh një ekip të përbërë tërësisht nga njerëz që do të ftosh në një ‘barbecue’ në oborrin e shtëpisë.
Kjo është arsyeja pse njerëzit e zgjuar bëjnë më të mirën me njerëzit që nuk i pëlqejnë.
Ja çfarë bëjnë ata:
1. Ata e pranojnë që nuk do t’u pëlqejnë të gjithëve dhe nuk mund t’i pëlqejnë të gjithë
Ndonjëherë kapemi në grackën e të menduarit se jemi njerëz të mirë. Ne mendojmë se do të na pëlqejnë të gjithë ata me të cilët bashkëveprojmë – edhe kur kjo nuk do të ndodhë. Është e pashmangshme! Do të hasni njerëz të vështirë, që kundërshtojnë atë që mendoni. Njerëzit e zgjuar e pranojnë këtë. Ata gjithashtu pranojnë që konfliktet ose mosmarrëveshjet janë rezultat i ndryshimeve në vlera. Ai person që nuk ju pëlqen nuk është thelbësisht një njeri i keq. Arsyeja pse nuk merreni vesh është sepse keni vlera të ndryshme dhe ky ndryshim krijon gjykim. Sapo të pranoni që jo të gjithë do t’ju pëlqejnë apo do t’i pëlqeni për shkak të një ndryshimi në vlera, mund të largoni emocionin nga situata.
2. Nuk i injorojnë ata që nuk pëlqejnë
Sigurisht, ju mund të ankoheni nga kritikat e tij/e saj të vazhdueshme, të shtrëngoni dhëmbët në shakatë e kota, por të ndiheni më pak se i dashur për dikë mund të mos jetë gjëja më e keqe. “Nga pikëpamja e performancës, të pëlqesh shumë njerëzit që bashkëpunon është një problem më i madh sesa t’i pëlqesh shumë pak” thotë Sutton.
“Ju keni nevojë për njerëz që kanë pikëpamje të ndryshme dhe nuk kanë frikë të argumentojnë”, shton Sutton. “Ata janë lloji i njerëzve që ndalojnë organizatën apo shoqërinë të bëjë gjëra budallaqe.” Ndoshta nuk është e lehtë, por duhet t’i duroni ata. Shpesh janë ata që na sfidojnë ose na provokojnë dhe kështu na nxisin për njohuri të reja dhe na ndihmojnë ta çojmë grupin drejt suksesit. Mos harroni, as ju nuk jeni perfekt, megjithatë njerëzit akoma ju tolerojnë.
3. I trajtojnë me civilizim ata që nuk u pëlqejnë
Pavarësisht nga ndjenjat tuaja për dikë, ai person do të pajtohet shumë me qëndrimin dhe sjelljen tuaj dhe ka të ngjarë ta reflektojë atë përsëri tek ju. Nëse jeni i pasjellshëm me ta, ata me gjasë do të hedhin poshtë të gjitha ‘dekoret’ dhe do të jenë të pasjellshëm edhe me ju. Është në dorën tuaj që të qëndroni të drejtë dhe të paanshëm.
“Kultivimi i një fytyre diplomatike është i rëndësishëm. Ju duhet të jeni në gjendje të ndesheni si profesionistë dhe pozitivë,” -thotë Ben Dattner, një psikolog organizativ dhe autor i The Blame Game. Në këtë mënyrë ju nuk do të përkuleni në nivelin e tyre ose të përfundoni duke vepruar ashtu si ata veprojnë.
4. I mbajnë nën kontroll pretendimet e tyre për dikë
Nuk është e pazakontë që njerëzit të kenë pretendime joreale për të tjerët. Ne mund të presim që të tjerët të veprojnë saktësisht siç do të vepronim ne, ose të thonë gjëra që mund të themi dhe ne në një situatë të caktuar. Sidoqoftë, kjo nuk është realiste. “Njerëzit kanë tipare të rrënjosura të personalitetit që do të përcaktojnë kryesisht se si ata reagojnë,”- thotë Alan A. Cavaiola, PhD. “Të presësh që të tjerët të bëjnë ashtu si do të bësh dhe ti, është si të vendosesh për zhgënjim për mbi zhgënjim”. Nëse një person ju bën që të ndiheni saktësisht në të njëjtën mënyrë si çdo herë, rregulloni pretendimet tuaja në mënyrë të përshtatshme. Si rrjedhojë do të jeni të përgatitur psikologjikisht dhe sjellja e tyre nuk do t’ju kapë në befasi. Njerëzit e zgjuar e bëjnë këtë gjatë gjithë kohës. Ata nuk janë gjithmonë të befasuar nga sjellja e një personi të papëlqyeshëm.
5. Ata shprehen
Nëse disa njerëz vazhdimisht ju shqetësojnë, lajmërojini me qetësi se mënyra e tyre e sjelljes ose stili i komunikimit është problem për ju. Shmangni gjuhën akuzuese dhe në vend të kësaj provoni “Kur të mundesh … Une ndiej …” Pastaj, mos harroni të prisni edhe për përgjigjen e tyre.
6. Lejojnë hapësirë midis tyre
Nëse gjithçka tjetër dështon, njerëzit e zgjuar lejojnë hapësirë mes tyre dhe atyre që nuk u pëlqejnë. Vendosni paqen në vete dhe vazhdoni rrugën tuaj. Nëse jeni në një ambient pune, zhvendosuni në një dhomë tjetër ose uluni në skajin tjetër të tryezës. Me pak distancë, perspektivë dhe ndjeshmëri, ju mund të jeni në gjendje të ktheheni dhe të ndërveproni si me ata njerëz që ju pëlqejnë, ashtu edhe me ata që nuk ju pëlqejnë. Sigurisht, gjithçka do të ishte më e lehtë nëse do të mund t’i mbanim larg njerëzit që nuk na pëlqejnë… Sa keq që të gjithë e dimë se nuk funksionon kështu jeta.
