Numerologjia është konsideruar si art mistik dhe njerëzit e bësojnë po aq sa edhe astrologjinë. Secili prej nesh ka një kombinim numrash unikë që e ndihmojnë të kuptojë botën fizike dhe të na orientojë me drejtimin tonë në jetë.
Çfarë quhen “numrat e jetës”?
Janë numrat personalë më me fat që llogariten në bazë të ditëlindjes së secilit. Njësoj si shenjat e zodiakut edhe numrat me fat tregojnë për vlerat, misionet, fuqitë dhe dobësitë tona. Funksioni i tyre është të na ndihmojnë të kuptojmë mundësitë tona në jetë dhe sigurisht të na kthejnë gjithmonë pranë realitetit.
Si ta gjeni cili është numri që ju përfaqëson?
Gjithçka duhet të bëni është ca llogari përmes ditës suaj të lindjes. Hapi i parë është të formoni ditëlindjen në rend numerik. Përshembull, nëse ditëlindja juaj është në: 3 tetor 1992, formojeni datën 10/3/1992. Kjo është e formuar përmes 3 numrave: nga një për muajin, ditën, vitin që do të thotë se në rastin tonë do të punojmë vetëm me 10, 3 dhe 1992.
Hapi tjetër është të reduktoni këto shifra në numra të vetëm. Për ta bërë këtë duhet të veproni kështu thjesht do të mblidhni bashkë numrin 10: 1+0=1; 3 do të lihet 3 pasi është aktualisht numër i vetëm e ndërsa nga 1992-shi do të përftojmë numrin 21. (1+9+9+2= 21.) Pastaj, për të përftuar një numër të vetëm nga 21 do t’i mbledhim bashkë 2+1= 3.
Pra numrat që kemi janë 1, 3, 3= 7. Numri me fat në rastin konkret është 7 që botërisht njihet si numri më me fat nisur nga Bibla. Nëse në rastin tuaj rezultati është një numër dy shifror do të vazhdoni mbledhjen deri sa të përfundojë një numër i vetëm. Përjashtim nga ky rast bëjnë vetëm numrat 11, 22, 33 të cilat konsiderohen si “numra hyjnorë” në numerologji. Nëse në përfundim del një nga këta numra, nuk ka nevojë t’i reduktoni në 1 të vetëm.
Ç’tregon për ju numri i jetës që keni
Numri 1
Numri 1 ka të bëjë me fillimin dhe veprimin dhe është i lidhur me lëvizjen. 1-shi simbolizon një frymë pioniere, natyrën e pavarur dhe aftësitë e lindura të udhëheqjes. Në një ditë të keqe, njerëzit që kanë numrin 1 si numër të jetës mund të duken pak mburravecë, sepse përpiqen të fshehin çdo pasiguri. Keni nevojë për mbështetjen e miqve, familjes dhe të dashurve.
Numri 2
2-shi është i lidhur me ndjeshmërinë, ekuilibrin dhe harmoninë. Brenda numerologjisë, numri 1 merr rolin e ndërmjetësit, duke krijuar harmoni e duke bashkuar forcat. 2-shi është i lidhur me aftësitë psikike dhe intuitën, dhe nëse ky numër shfaqet si numri i jetës ose numër fati, individi do të përshtatet mirë me ndryshimet e energjisë dhe emocionet. Për shkak se numri 2 është aq i ndjeshëm, është shumë i kundërt me konfliktet dhe mund të përfundojë duke u ndjerë i nënvlerësuar ose i panjohur.
Numri 3
Komunikimi është parësor për 3-shin. Simbolikisht, numri 3 paraqet prodhimin e dy forcave të bashkuara: është thelbi i krijimit. 3-shi lidhet me talentin, konceptet novatore dhe fjalimin. Puna juaj frymëzon të tjerët dhe 3-shi gjen gëzim të madh duke i bërë të tjerët të buzëqeshin. Kur ndiheni të keqkuptuar, mund të tërhiqeni plotësisht: Me një imagjinatë aktive, është e rëndësishme që të gjeni momente qetësie për t’u ndjerë të plotësuar.
Numri 4
Në numerologji, numri 4 ka një energji tokësore dhe përqendrohet rreth forcimit të rrënjëve të saj. 4 beson me vendosmëri në botën fizike dhe e di se investimi në një infrastrukturë solide është i nevojshëm për ndërtimin e një trashëgimie të qëndrueshme. Praktik dhe i përgjegjshëm, numri 4 është i përqendruar në krijimin e sistemeve logjike që mund të mbështesin rritjen. Ekziston një qëndrueshmëri te ky numër, megjithatë, që mund të kalojë shpejt në ngurtësi; është tepër e lehtë që këta njerëz të bëhen kokëfortë. Do të ndiheni të çliruar dhe të frymëzuar pasi të keni marrë disa rreziqe të guximshme.
Numri 5
Mendim i lirë, aventurier dhe progresiv, numri 5 përcaktohet nga liria. 5 do ta përjetojë botën duke përfshirë pesë shqisat e saj: Për 5-n, mësimet e jetës merren përmes akteve spontane të trimërisë. Por ndonjëherë mund të bëheni edhe të shqetësuar ose të paduruar. Meqenëse 5 është gjithmonë duke kërkuar zbulimin, e ka të vështirë të pranojë përgjegjësitë e përditshme të jetës, përfshirë angazhimet profesionale dhe ndërpersonale.
Numri 6
6 njihet për natyrën mbështetëse dhe empatike. Një shërues i vërtetë, 6 ka aftësinë për të zgjidhur probleme si në sferën emocionale ashtu edhe në atë fizike, duke ndihmuar të tjerët përmes qasjes së drejtpërdrejtë, por të butë. 6 ka një ndjenjë të fortë përgjegjësie dhe kujdeset shumë për miqtë, familjen dhe të dashuruarit. Ky numër gjithashtu mund të komunikojë lehtësisht me fëmijët dhe kafshët, duke shfaqur një butësi dhe shpirt kujdestar. Por ndonjëherë energjia mbrojtëse mund të bëhet dominuese dhe kontrolluese. Duhet të mësoni të keni besim dhe mirëkuptim për të tjerët: Ta themi thjesht, të gjithë duhet të ndjekin rrugën e tyre unike.
Numri 7
Detektivët e numerologjisë, 7 është e njohur për aftësitë hetimore dhe analitike. Astrologjikisht, numri 7 mund të mendohet si një përzierje e energjisë së Virgjëreshës dhe Akrepit: 7 është jashtëzakonisht i orientuar drejt detajeve, por nxitet nga mençuria e brendshme në krahasim me realitetet e prekshme. 7 ka një sy të mprehtë dhe vëzhgimet e mprehta ushqejnë një shpirt shpikës dhe mendjehollë. Për shkak se mund të gjejë shpejt të metat në pothuajse çdo sistem, 7 është perfeksionist. Jo gjithçka do të jetë e përsosur – por kjo është ajo që e bën jetën argëtuese.
Numri 8
8 ka të bëjë me bollëkun. Brenda numerologjisë, ky numër lidhet me pasurinë materiale dhe suksesin financiar. Ambicioz dhe i orientuar drejt qëllimit, numri 8 mund të marrë pa mundim pozicione drejtuese përmes magnetizmit të tij natyror. 8 mendon shumë për të zgjeruar fushën e tij, duke u ngjitur në majë të çdo shkalle për të arritur lartësi të jashtëzakonshme. Por me fuqi të madhe vjen përgjegjësia e madhe: në një ditë të keqe, mund të bëhen tepër kontrollues dhe posesivë. Sidoqoftë, cilësitë negative mund të pakësohen duke përdorur suksesin për të ndihmuar të tjerët.
Numri 9
Si shifra e fundit teke në numerologji, numri 9 nënkupton një shpirt të vjetër. Misioni për 9-n është të arrijë gjendjen më të lartë të vetëdijes dhe të ndihmojë të tjerët gjithashtu të arrijnë këtë vetëdije shpirtërore. Numri 9 nuk ka frikë të transformohet dhe shpirti i tij i lakueshëm frymëzon të tjerët të eksplorojnë veten. Meqenëse, në shumë mënyra, ka kapërcyer planin fizik, duhet të mbajë mend vazhdimisht që të kthehet më këmbë në tokë. 9 duhet të mësojë të balancojë abstrakten me të prekshmen, duke gjetur vendin mes fantazisë dhe realitetit.
Numri Master 11
Numri Master 11 ka energjinë e numrit 2; qëllimi i tij është të shërojë veten dhe të tjerët përmes aftësive të larta psikike. Shpesh, dhuratat intuitive janë rezultat i rrethanave ekstreme të jetës. Numri Master 11 nuk ka zgjidhje tjetër përveçse të kultivojë talente jashtë-shqisore. Në numerologji, 11-a është e lidhur me ndriçimin shpirtëror, vetëdijen dhe ekuilibrin filozofik.
Numri Master 22
Numri Master 22 zgjerohet mbi energjinë e numrit 4. 22-shi është frymëzuar për të krijuar platforma në fushën fizike që kapërcejnë realitetet e menjëhershme. Aftësitë kanë lidhje me paqëndrueshmërinë në fëmijërinë ehershme që nxit mendimin novator. 22-shi është gjithmonë në një mision për t’u transformuar.
