Faton Peci ka njoftuar se nuk do të jetë më në krye të degës së GUXO-s në Mitrovicë.
Të lidhura
None found
Sipas njoftimit të tij, drejtimi i degës i është besuar tashmë Enis Osmanit.
Peci bëri të ditur se për katër vjet, krahas detyrës së bashkëkryetarit, ka udhëhequr edhe strukturën e GUXO-s në Mitrovicë. Ai shprehu mirënjohje për anëtarët dhe bashkëpunëtorët për punën, angazhimin dhe përkushtimin e treguar gjatë kësaj periudhe.
Ai rikujtoi gjithashtu se në zgjedhjet e fundit, GUXO u rendit e treta në garën për asamble.
Peci vlerësoi partneritetin me Albin Kurtin dhe Vetëvendosjen si një faktor vendimtar në ndryshimin e qeverisjes në Mitrovicë, duke theksuar se GUXO kishte një rol të rëndësishëm në këtë proces.
Në përfundim, ai i uroi suksese kryetarit të ri të degës, Enis Osmani, dhe ekipit të tij në forcimin dhe konsolidimin e mëtejshëm të partisë, duke shtuar se bashkëpunimi do të vijojë.
