Një formacion shkëmbor me pamje të ngjashme me një varkë, i vendosur në malet e Turqisë lindore, mund të mos jetë vetëm një krijim natyror gjeologjik, siç është vlerësuar për një kohë të gjatë.
Të lidhura
None found
Ekipi ndërkombëtar që po heton zonën e Durupınarit, pranë malit Ararat, dyshon se struktura mund të fshehë mbetje të lidhura me Arkën e Noas.
Narrativa biblike tregon se një anije e përmasave të mëdha shpëtoi Noan, familjen e tij dhe kafshët nga një përmbytje shkatërruese, e cila sipas disa kronologjive biblike ka ndodhur më shumë se 4.300 vjet më parë.
Një analizë e fundit me teknologji radarike ka evidentuar anomali të theksuara në nëntokë, si edhe shtresa të veçuara brenda formacionit, që shtrihet në një gjatësi prej rreth 157 metrash. Këto të dhëna kanë ngritur pikëpyetje mbi teorinë se bëhet fjalë për një bllok të vetëm dhe uniform shkëmbor.
Studimi udhëhiqet nga doktor Khosroë Bakhtar dhe është kryer me anë të BakhtarRadar, një pajisje e posaçme imazherie e zhvilluar përmes kërkimeve të Forcave Ajrore amerikane. Sistemi synon të depërtojë më thellë nën sipërfaqe krahasuar me skanimet e realizuara më herët.
Hapi i ardhshëm i kërkimit parashikon shqyrtimin e plotë të të dhënave dhe shpime në terren për mbledhjen e kampioneve. Në këtë mënyrë, studiuesit duan të përcaktojnë nëse anomalitë janë rezultat i proceseve natyrore apo lidhen me struktura të ndërtuara nga njeriu. Përgjigjja përfundimtare do të varet nga analizat e ardhshme dhe provat fizike që mund të nxirren nga nëntoka.
