Gazetari Romain Molina ka zbuluar se Barcelona ishte e gatshme ta shqyrtonte seriozisht shitjen e Raphinhas te një klub i Arabisë Saudite gjatë kësaj vere. Sipas tij, transferimi i Jesse Bisiëut nga Club Brugge lidhej pikërisht me mundësinë e largimit të brazilianit.
Raphinha është përmendur vazhdimisht gjatë vitit të fundit si një objektiv i mundshëm i Superligës saudite, e cila nuk ka munguar me oferta për të. Edhe Barcelona ishte e hapur për shitjen e tij, ndonëse situata duket se ka ndryshuar.
Të lidhura
None found
“Bordi ishte shumë i gatshëm ta lejonte largimin e lojtarit, veçanërisht drejt Arabisë Saudite. Kjo shpjegon edhe arsyen pse Barça afroi një tjetër sulmues të ri krahu, Jesse Bisiëu. Klubi kishte menduar paraprakisht për këtë skenar”, deklaroi Molina.
Ai shtoi se mbetet e paqartë nëse Arabia Saudite do të paraqesë një tjetër ofertë para mbylljes së afatit kalimtar. “Nuk e di nëse do të rikthehen me një propozim të ri. Megjithatë, sidomos gjatë vitit të kaluar, një transferim ishte planifikuar dhe pati edhe diskutime të tjera këtë dimër”, u shpreh gazetari.
Molina theksoi gjithashtu se dëmtimet e vazhdueshme të Raphinhas kanë nisur të krijojnë shqetësim, ndaj situata e tij do të monitorohet në vazhdim.
“Nëse Raphinha do të largohej, Barcelona do të fitonte një qetësi të madhe financiare. Për më tepër, klubi do të kishte mundësinë të investonte një shumë të konsiderueshme për një numër 9”, përfundoi ai.
Pavarësisht këtyre zhvillimeve, largimi i Raphinhas aktualisht duket i pamundur. Braziliani mbetet pjesë e rëndësishme e planeve të Hansi Flick, ndërsa emërimi i tij si kapiteni i ri i përkohshëm dëshmon peshën që ai ka në skuadrën e Blaugranëve.
