Ushtruesja e Detyrës së Presidentes, Albulena Haxhiu, priti sot në takim shefin e sapoemëruar të Misionit të Bashkimit Evropian për Sundim të Ligjit në Kosovë (EULEX), Antero Lopes.
Të lidhura
None found
Gjatë bisedës, Haxhiu nënvizoi kontributin e EULEX-it në përkrahjen e institucioneve kosovare për forcimin e sundimit të ligjit, si dhe në monitorimin e sistemit të drejtësisë.
Ajo veçoi edhe nevojën për angazhimin e misionit në çështje me rëndësi të madhe, ndër të cilat përfshihen rastet e dhunës ndaj grave dhe dhunës në familje.
Haxhiu i dëshiroi Lopes mbarësi në përgjegjësinë e re dhe shprehu besimin se bashkëpunimi mes institucioneve të Republikës së Kosovës dhe EULEX-it do të vijojë të ndihmojë në konsolidimin e sundimit të ligjit dhe të institucioneve të vendit.
