1381 maturantë kanë nisur këtë të hënë testimin e informatizuar për degën e Mjekësisë së Përgjithshme, për të cilën janë gjithësej 436 kuota. Sipas përllogaritjeve, tre maturantë konkurrojnë për një vend në autorët e Mjekësisë.
Për këtë vit, krahasuar me atë të kaluarin, kërkesa për degën e Mjekësisë së Përgjthshme është rritur me gati 15%.
Të lidhura
None found
Ky test të cilit iu nënshtruan ditën e sotme maturantët, është një “filtër” i cili aplikohet nga Fakulteti i Mjekësisë për të përzgjedhur studentët më të mirë. Testi u mbajt që prej orës 08:30 të mëngjesit, ku për 60 minuta maturantët të ndarë në grupe janë përgjigjur pyetjeve rreth lëndëve të biologjisë, kimisë dhe fizikës, lëndë që lidhen me shkencën e mjekësisë.
Testimi i informatizuar vijon deri të premten dhe më pas nis përllogaritja e pikëve në total që kanë grumbulluar maturantët, ku në mënyrë që të renditen fitues së degës së Mjekësisë do t’u nevojiten 30 pikë nga ky test dhe 70 nga Matura Shtetërore.
