Komisioni Rregullator i Energjetikës, i Shërbimeve të Ujit dhe i Shërbimeve të Menaxhimit me Mbeturina Komunale i Republikës së Maqedonisë së Veriut (KRRE) miratoi vendimin për rritjen mesatare me 4,85% të çmimeve me pakicë të derivateve të naftës, krahasuar me vendimin e datës 10.8.2026.
Të lidhura
None found
Sipas vendimit, benzina EUROSUPER BS-95 dhe ajo EUROSUPER BS-98 shtrenjtohen me nga 4,50 denarë për litër. Çmimi i EURODIZELIT (D-Е V) rritet me 6,50 denarë për litër, ndërsa Vaji Ekstra i Lehtë për Amvisëri (ЕL-1) do të kushtojë 6,00 denarë më shumë për litër. Për Mazutin М-1 SU është përcaktuar rritje prej 0,188 denarësh për kilogram, duke e çuar çmimin në 43,726 denarë për kilogram.
Edhe me vendimin e sotëm mbetet në fuqi akciza e reduktuar me 2,00 denarë për litër për benzinat EUROSUPER BS-95 dhe EUROSUPER BS-98. Për EURODIZELIN (D-Е V) vazhdon të zbatohet ulja e akcizës prej 4,00 denarësh për litër.
Duke filluar nga ora 00:01 e datës 18.8.2026, çmimet maksimale do të jenë si vijon:
Benzina e motorit EUROSUPER BS-95: 91,50 denarë për litër.
Benzina e motorit EUROSUPER BS-98: 93,50 denarë për litër.
Nafta e motorit EURODIZEL BS (D-E V): 98,00 denarë për litër.
Vaji për Djegie Ekstra i Lehtë 1 (EL-1): 98,50 denarë për litër.
Mazuti М-1 SU: 43,726 denarë për kilogram.
