Një punëtor ka marrë lëndime të rënda në një aksident që ndodhi sot në vendin e punës, brenda Divizionit të Prodhimit të Qymyrit, bëri të ditur KEK-u.
Të lidhura
None found
Sipas njoftimit të KEK-ut, Policia e Kosovës dhe ekipet e ndihmës së shpejtë u lajmëruan menjëherë pas incidentit. Njësitë përgjegjëse janë në vendngjarje dhe po kryejnë procedurat e nevojshme.
Kompania sqaroi se aktualisht nuk mund të publikojë informacione të tjera, pasi veprimet përkatëse janë ende në zhvillim dhe duhet të njoftohen familjarët.
KEK-u theksoi se do të dalë me njoftim në kohën e duhur, sapo organet kompetente t’i kenë konfirmuar plotësisht rrethanat e ngjarjes.
