Tirana dhe Laçi barazuan 2-2 në miqësoren e luajtur në stadiumin “Selman Stërmasi”, duke përsëritur rezultatin e takimit të zhvilluar në Shkodër.
Të lidhura
None found
Skuadra bardheblu kaloi dy herë në epërsi, fillimisht me Kis dhe më pas me Xhixhën, por kurbinasit reaguan në të dyja rastet përmes golave të Stafës dhe Kalaj.
Edhe pse përballja kishte si synim kryesor përgatitjet për sezonin e ri në Superiore, të dyja ekipet shfaqën dëshirë të madhe në një duel të ekuilibruar.
Në ndeshjen e parë të kampionatit, Laçi do të përballet me Elbasanin, ndërsa Tirana do të luajë në transfertën e Rrogozhinës.
