Situata humanitare në Kolumbi është rënduar pas tërmetit të fuqishëm që goditi pjesën perëndimore të vendit në mëngjesin e 10 gushtit.
Të lidhura
None found
Lëkundja sizmike me magnitudë 7.4 të shkallës Rihter e kishte epiqendrën në departamentin e Çokos, pranë brigjeve të Paqësorit. Tërmeti u ndje në një zonë të gjerë të Kolumbisë dhe shkaktoi dëme të konsiderueshme në disa qytete.
Numri i personave që kanë humbur jetën nga kjo katastrofë ka arritur në 224, ndërsa të paktën 3 mijë të tjerë raportohen të zhdukur.
Operacionet për gjetjen e të mbijetuarve po vazhdojnë pandërprerë mes rrënojave. Autoritetet theksojnë se çdo minutë është vendimtare dhe se nën objektet e shembura janë gjetur njerëz të gjallë, ndaj shpresat mbeten edhe 24 orë pas tërmetit.
Në orët e fundit, ekipet e emergjencës arritën të shpëtonin të paktën pesë persona nga një hotel që ishte shembur pjesërisht. Pasojat materiale janë të rënda, pasi qindra banesa janë shkatërruar tërësisht.
Në të gjithë vendin është vendosur gjendja e jashtëzakonshme, ndërkohë që Kisha katolike kolumbiane është angazhuar për t’u ardhur në ndihmë familjeve të prekura.
