Ronald Araujo është zyrtarizuar si përforcimi i dytë i Liverpoolit gjatë kësaj vere, pas anësorit Victor Munoz, i cili u transferua nga Osasuna për rreth 40 milionë euro.
Të lidhura
None found
Mbrojtësi uruguaian do të luajë për një sezon në “Anfield” në formë huazimi nga Barcelona. Marrëveshja mes klubeve përmban edhe mundësinë e blerjes së tij përfundimisht në fund të sezonit, për shumën prej 55 milionë eurosh.
Transferimi i 27-vjeçarit vjen në një periudhë delikate për Andoni Iraolën, pasi disa prej mbrojtësve të skuadrës së tij janë përballur me dëmtime.
Debutimi jozyrtar i Araujos pritet të ndodhë më 16 gusht, në përballjen kundër Comos. Një javë më pas, ai synon të jetë në formacionin titullar ndaj Newcastle United, në ndeshjen e parë të Liverpoolit në Ligën Premier, që do të zhvillohet në “St James’ Park”.
Uruguaiani do të përdorë fanellën me numrin 33, e cila për herë të fundit te Liverpooli ishte mbajtur nga Jordon Ibe në vitin 2016. Në epokën e Ligës Premier, këtë numër e kanë pasur gjithashtu Jonjo Shelvey, Sebastian Leto dhe Neil Mellor.
Te Barcelona, Araujo luante me numrin 4, por kjo fanellë te Liverpooli i përket Virgil Van Dijk. Megjithatë, zgjedhja e numrit 33 nuk është bërë rastësisht, pasi ai ka një domethënie të rëndësishme personale për mbrojtësin.
“Është një numër që më pëlqen dhe që ka rëndësi të veçantë për mua. Është interesante, sepse pikërisht me këtë numër bëra debutimin tim si profesionist”, deklaroi Araujo në intervistën e tij të parë.
“Për mua, ai lidhet edhe me një aspekt personal. Ka të bëjë me besimin tim, si dhe me marrëdhënien që kam me Jezusin, Zotin dhe fenë”.
“Është diçka për të cilën kam biseduar dhe kam zhvilluar një diskutim të mirë me miqtë, familjen, partneren dhe prindërit e mi. Jam shumë i lumtur ta mbaj këtë numër për shumë arsye”, përfundoi ai.
