Teksa sezoni veror dhe periudha e pushimeve janë në kulmin e tyre, bashkitë janë detyruar të nisin punën brenda një kohe shumë të kufizuar për të përmbushur kërkesat e Reformës Territoriale.
Projektligji i paraqitur nga PS-ja kërkon që kryetarët e bashkive, këshillat bashkiakë dhe qytetarët të japin qëndrimet e tyre të argumentuara lidhur me këtë proces.
Të lidhura
None found
Për shkak të afateve të përcaktuara me ligj, këshillat bashkiakë kanë hartuar kalendarët e konsultimeve me qytetarët, ndonëse në secilën bashki që parashikohet të shkrihet janë zhvilluar protesta kundër këtij vendimi, gjatë të cilave banorët i kanë shprehur qëndrimet e tyre.
Dëgjesa me qytetarët janë organizuar më herët edhe nga Komisioni i Reformës Territoriale.
Tashmë banorët po ftohen përsëri në konsultime, ndërsa administrata dhe këshilli bashkiak pritet t’i njohin me një ndarje që, publikisht ose jo, kundërshtohet edhe prej vetë tyre.
Në konsultime janë përfshirë gjithashtu bashkitë që do të zgjerohen. Edhe ato duhet të paraqesin argumentet mbi arsyet e qëndrimit të tyre pro ose kundër procesit.
