Forcat e rendit në Krujë kanë përmbyllur operacionin e koduar “Baruni”, duke goditur një rast të kultivimit të lëndëve narkotike.
Gjatë patrullimeve në zonën e njohur si “Skahide”, në lagjen Barun, efektivët e Komisariatit të Policisë Krujë zbuluan një ngastër toke të mbjellë me bimë të dyshuara si cannabis sativa.
Të lidhura
None found
Në momentin e ndërhyrjes, uniformat blu kapën në flagrancë dhe vunë në pranga shtetasin E. P., 62-vjeçar, banor në Krujë, i dyshuar si kultivuesi i bimëve të paligjshme.
Bimët narkotike u shkatërruan përmes djegies, teksa vijon monitorimi në territorin e Krujës për të identifikuar e goditur raste të tjera të kultivimit të kanabisit. Prokuroria ka marrë materialet procedurale për veprime të mëtejshme.
