Një sulm ukrainas me dron në qytetin Nizhnekamsk, thellë brenda territorit rus, u ka marrë jetën të paktën 12 personave, ndërsa 39 të tjerë kanë mbetur të plagosur.
Të lidhura
None found
Bilanci i goditjes së kryer gjatë së hënës u njoftua nga autoritetet lokale.
Nizhnekamsk është një qendër e rëndësishme industriale ruse dhe shtrihet më shumë se 1,000 kilometra në lindje të Moskës. Në këtë qytet gjendet një nga rafineritë e mëdha të naftës të vendit, e cila dyshohet se mund të ketë qenë shënjestra e sulmit.
Në pamjet e publikuara në rrjetet sociale shihen shtëllunga të mëdha tymi që ngrihen nga një zonë periferike e qytetit.
Kjo goditje përbën një tjetër sulm në thellësi të territorit të Rusisë, ndërsa Moska dhe Kievi kanë shtuar përdorimin e dronëve me rreze të gjatë për të goditur objektiva që ndodhen larg vijës së frontit.
