Në protestën e 71-të kundër Edi Ramës, një shqiptare që jeton në Diasporë iu drejtua edhe politikaneve, të cilat në deklaratat e tyre publike i kanë cilësuar protestuesit si “sorra” dhe “korba”.
Ajo akuzoi qeverinë për korrupsion dhe tha se arsimi dhe shëndetësia në Shqipëri janë dëmtuar rëndë.
Të lidhura
None found
“Zonja zv.kryeministre, ministre dhe deputete, keni dalë në televizion dhe keni fyer shqiptarët, duke i quajtur sorra e korba. Arsimi në Shqipëri është në gjendje të tmerrshme. Shqiptarët dëshmojnë në të gjithë botën se sa inteligjentë janë, ndërsa mafiet për të cilat flitet nëpër botë janë të lidhura me politikën. Bizneset shqiptare në mbarë botën kanë lulëzuar. Është turp që gratë e politikës ofendojnë shqiptarët; ju jeni vetëm kukulla të politikës.
Kam 31 vite larg familjes sime. Ne, shqiptarët e Diasporës, u detyruam të largoheshim, por po kthehemi për ta çrrënjosur këtë politikë. Shqiptarë, të bashkohemi të gjithë për një të ardhme më të mirë. Për Kanye West u dhanë 4.2 milionë euro, ndërsa Kruja u dogj; nuk pati asnjë masë dhe asnjë avion”, deklaroi ajo.
