Adriatik Kupi, drejtuesi i Përgjithshëm i Burgjeve, ka thirrur Komisionin e Disiplinës për të analizuar incidentin e fundit në burgun e Fierit.
Burime pranë institucionit bëjnë me dije se në mbledhje do të vlerësohen rekomandimet e ardhura nga burgu i Fierit, ku është propozuar largimi nga detyra i gjashtë efektivëve dhe pezullimi i dy të tjerëve.
Të lidhura
None found
Po ashtu, për të dënuarit e përfshirë në sherr është kërkuar një masë disiplinore shtesë me kohëzgjatje tre muaj.
Ndërkohë, Prokuroria e Fierit ka nisur hetimet për të zbardhur rrethanat e konfliktit dhe për të përcaktuar nëse ngjarja ka qenë një zënkë e çastit apo një veprim i organizuar ose i porositur.
Në kuadër të hetimit është marrë në pyetje edhe Denis Bajri. Sipas deklaratës së tij, Gjini dhe Zoto e kanë thirrur dhe më pas e kanë sulmuar me mjete të improvizuara prerëse.
