Besfort Lamallari, ministër i Brendshëm i Shqipërisë, deklaroi se Valon Bela dhe Bekir Halimi, dy shtetas nga Maqedonia e Veriut, janë shpallur persona të padëshiruar për 10 vjet me një vendim të marrë më 17 korrik. Sipas tij, masa synon mbrojtjen e interesit kombëtar.
Të lidhura
None found
Lamallari sqaroi se vendimmarrja erdhi pas shqyrtimit të informacioneve të siguruara dhe konsultimeve të zhvilluara me agjencitë e sigurisë.
Gjatë një interviste në emisionin “Tirana Live” të ABC News, ministri theksoi se Shqipëria nuk do të tolerojë agjenda apo thirrje për dhunë që rrezikojnë sigurinë e vendit. Ai shtoi se Policia e Shtetit vijon angazhimin për ruajtjen e rendit dhe garantimin e sigurisë publike.
Sipas Lamallarit, afrimi me familjen europiane kërkon që Shqipëria të veprojë si një vend anëtar, duke ndërmarrë të gjitha masat e domosdoshme për sigurinë kombëtare dhe duke penguar ndërhyrjen e agjendave të dëmshme për vendin, rajonin dhe më gjerë.
