Enti Shtetëror i Statistikave njoftoi se indeksi i kostos së jetesës, përmes të cilit matet inflacioni, në korrik u rrit me 0,1 për qind krahasuar me qershorin e këtij viti.
Të lidhura
None found
Rritja më e theksuar, prej 4,4 për qind, u evidentua në sektorin e transportit. Shtrenjtim u regjistrua gjithashtu te rekreacioni dhe kultura, banimi dhe shërbimet hotelierike.
Nga ana tjetër, ushqimet dhe pijet joalkoolike shënuan uljen më të madhe, me 1,1 për qind, ndërsa rënie pati edhe te orenditë dhe pajisjet për amvisëri.
Krahasuar me të njëjtën periudhë të një viti më parë, kostoja e jetesës në korrik ishte 2,3 për qind më e lartë, kurse çmimet me pakicë u rritën me 1,8 për qind.
