Një 34-vjeçar nga Shkupi u ndalua nga policia pasi shkaktoi një aksident trafiku, ndërsa analiza e alkoolit në gjak i rezultoi 3.29 promil.
Të lidhura
None found
Aksidenti u regjistrua dje, rreth orës 15:10, në rrugën Prolet. Sipas të dhënave të policisë, I.A.L. nga Shkupi po drejtonte një automjet “Matiz” me targa të Shkupit, kur u përplas me një veturë “Honda”, që drejtohej nga 20-vjeçari D.P., po ashtu banor i Shkupit.
Si pasojë e përplasjes u shkaktuan dëme materiale. Gjatë procedurave të kontrollit, zyrtarët policorë konstatuan se 34-vjeçari ishte nën ndikimin e alkoolit, ndërsa alkotesti tregoi një përqendrim prej 3.29 promil në gjak.
I.A.L. u privua nga liria në orën 17:00. Për rastin u njoftua prokurori publik, ndërsa automjeti u sekuestrua./Telegrafi/
