Sipas gazetarit Fabrizio Romano, Manchester City ka vendosur kontakte të drejtpërdrejta me përfaqësuesit e Pedro Netos, teksa po vlerëson mundësinë për të transferuar anësorin e Chelseat.
Të lidhura
None found
Futbollisti i përfaqësueses së Portugalisë konsiderohet një prej objektivave të Cityt nëse Savinho largohet gjatë kësaj vere për t’iu bashkuar Tottenhamit.
Edhe Tottenham raportohet se e ka përfshirë Pedro Neton në listën e alternativave të mundshme. Të dy klubet e Ligës Premier po ndjekin nga afër situatën e tij te Chelsea.
Gjithsesi, realizimi i një marrëveshjeje do të përcaktohet nga vlera që Chelsea i vendos 26-vjeçarit, ndërsa bisedimet nuk kanë hyrë ende në një etapë të avancuar.
Neto u transferua nga Ëolvesi te Chelsea në verën e vitit 2024 dhe më pas fitoi një rol të rëndësishëm në repartin sulmues të “Bluve”.
Gjatë sezonit të kaluar, anësori portugez regjistroi 52 paraqitje në të gjitha kompeticionet, me një bilanc prej 10 golash dhe 10 asistimesh.
