Valon Bela dhe imami Bekir Halimi, të dy shtetas të Maqedonisë së Veriut, janë shpallur “non grata” nga Ministria e Brendshme e Shqipërisë. Sipas raportimeve të mediave në Tiranë, ndaj tyre ekzistojnë të dhëna që lidhen me veprimtari në dëm të shtetit shqiptar.
Të lidhura
None found
Masa është miratuar nga Ministria e Brendshme pas propozimit të paraqitur nga njësia antiterror e Policisë së Shtetit Shqiptar. Me këtë vendim, dy shtetasit i shtohen listës së personave të konsideruar të padëshiruar për shkak të veprimtarive të dyshimta kundër Shqipërisë.
Disa javë më parë, i njëjti institucion shpalli “non grata” edhe shtetasen e Kosovës, Ikballe Huduti, së cilës iu ndalua hyrja në Shqipëri për 15 vjet.
