Ministri i Brendshëm, Besfort Lamallari, ka ndarë pamje të patrullimeve që Policia e Shtetit dhe policia italiane po zhvillojnë së bashku në Durrës. Sipas tij, prania e përbashkët policore ofron më shumë siguri për qytetarët dhe turistët.
Lamallari bëri të ditur se këto kontrolle kanë si qëllim të parandalojnë veprimtaritë e paligjshme dhe të forcojnë sigurinë publike. Krahas tyre, po verifikohet edhe zbatimi i kufijve të lejuar të zhurmës në bare, restorante dhe hapësira të tjera argëtimi.
Të lidhura
None found
Në reagimin e tij, ministri theksoi se patrullimet e përbashkëta në Durrës përbëjnë një garanci të mëtejshme për të gjithë qytetarët dhe vizitorët që kanë zgjedhur Shqipërinë, mes tyre edhe turistët italianë.
Ai nënvizoi se respektimi i rregullave të përbashkëta, si për mbrojtjen e turistëve, ashtu edhe për ruajtjen e qetësisë së tyre nga zhurmat mbi nivelet e lejuara, ndihmon në zhvillimin e një turizmi të qëndrueshëm, i cili shënon rritje nga viti në vit.
