Një situatë alarmante është krijuar në Finiq, ku zjarri masiv nuk është vendosur ende nën kontroll. Era e fortë po favorizon përhapjen me shpejtësi të flakëve.
Vatra ka përfshirë disa pjesë të Bashkisë Finiq dhe po avancon pranë fshatrave, duke kërcënuar seriozisht banesat në Mesopotam dhe Kostar. Zjarri është drejtuar edhe nga zonat e Delvinës, mes tyre Vllahati, çka ka shtuar frikën për një përhapje më të gjerë.
Të lidhura
None found
Në operacion është përfshirë edhe një helikopter zjarrfikës. Ndërhyrjet nga ajri kanë nisur me synimin për të izoluar flakët dhe për të penguar përparimin e mëtejshëm të zjarrit.
Ndërkohë, ekipet në terren po vijojnë përpjekjet për shuarjen e vatrave. Autoritetet po e ndjekin me shqetësim zhvillimin e situatës, pasi flakët po depërtojnë në një territor me bimësi të dendur dhe rrezikojnë zonat e banuara.
