Mbrëmjen e djeshme, një zjarr ka rënë në fshatin Veterik, në Bashkinë Berat në një magazinë të mbushur me materiale bujqësore. Pas kësaj flakët janë përhapur me shpejtësi drejt banesën dykatëshe, e cila ishte ngjitur me magazinën.
Në momentin e mbërritjes së zjarrfikësve, zjarri kishte hyrë në katin e parë të banesës.
Të lidhura
None found
Falë punës intensive, forcat zjarrfikëse kanë arritur të shuajnë flakët dhe të neutralizojnë situatën.
Si pasojë e kësaj ngjarje, magazina me prodhime bujqësore është shkrumbuar totalisht. Ende nuk dihen shkaqet dhe rrethanat e kësaj ngjarje, ndërsa autoritetet po hetojnë më shumë në lidhje me këtë.
